Аҕа дойду көмүскээччилэрин күнэ

Сыллата ыытыллар строевой хаамыы күрэҕэр уонна "Зарница" байыаннай-патриотическай оонньууга уолаттарбыт БАСТААТЫЛАР! 

"Тииҥ мэйии" кыайыылааҕа!

Үтүө санаа үксээтин!

Приленскай КМО ахсаан уонна метаолимпиадаҕа Айсен уонна Данил кытыннылар. Айсен I миэстэ, Данил II миэстэ буоллулар. 

Айсен улуустааҕы "Тииҥ мэйии" ахсаан уонна метаолимпиадаҕа Лоомтукаҕа элбэх балл ылан абсолютнай кыайыылаах буолла. Айсены үрдүк ситиһиитинэн эҕэрдэлиибит!


Ийэ тыл күнэ

Ийэ тыл күнүгэр аналлаах тэрээһиҥҥэ биһиги оҕолорбут көхтөөхтүк кытыннылар. Алеся чабырҕах аахта, Миша норуот ырыатын толордо, уолаттарбыт "Дьулуруйар Ньургун Боотур", "Эрчимэн Бэргэн" олоҥхолору толордулар. Аделина Кыыс Кыскыйдаан, Розанна Айыы Умсуур Удаҕан оруолларын толордулар.

Лучше всех!

Второй год проводится шоу талантов наших воспитанников "Лучше всех!" В этом году нас удивили Сайаана и Айсен. Сайаана исполнила английскую песенку, Айсен блеснул быстрым счетом.

 

Нэһилиэкпитигэр үтүө санаа акциялара сыллата көхтөөхтүк ыытыллаллар. Быйыл биһиги иитиллээччилэрбит үөрэ-көтө "Үтүө санаа долбууругар" ббэйэлэрин сэмэй бэлэхтэрин аҕалан уурдулар.

Ахсынньы - остуоруйа ыйа

Музыка доҕуһуола

Майаҕа "Кэнчээри" оҕо саадыгар улууспутугар бастакы музыкальнай инструменнарга оонньуурга күрэх буолан ааста. Фея Петровна салайар "Дьөһөгөй" фольклорнай бөлөх кыттааччылара үрдүк ситиһиилээх кэллилэр!

Папа, мама, я - спортивная семья!

Сэтинньи - Байанай ыйа

Туутук хоһооннорун ааҕабыт

Олохтоох библиотекаҕа П.Н.Дмитриев - Туутук оҕо суруйааччытын кунун ыытта. Манна оҕо уһуйааннарын иитиллээччилэрэ уонна оскуола 1-2 кылаас үөрэнээччилэрэ поэт хоһооннорун ааҕарга күрэхтэстилэр. Биһиги иитиллээччибит Тотонова Розанна II миэстэ буолан үрдүк ситиһиилэннэ. Розаннаҕа уонна кини төрөппүттэригэр эҕэрдэ!

Улуустааҕы күрэх лауреаттара буоллубут!

Сэтинньи 18 күнүгэр Майаҕа "Кыталык" үҥкүү дьиэтигэр улуустааҕы үҥкүү күрэҕэ буолан ааста. Биһиги уһуйааммыт 3 бөлөҕүн иитиллээччилэрэ холбоон спортивнай үҥкүү көрдөрдүлэр, салайааччы Карпова С.А. 

Кырачаан үҥкүүһүттэрбит лауреат үрдүк аатын сүгэн ситиһиилээхтик кыттыбыттарынан эҕэрдэлиибит!


Улуустааҕы тэрээһиҥҥэ көхтөөхтүк кытынныбыт

Сэтинньи 12 күнүгэр биһиги уһуйааммытыгар улуустааҕы "Педагогическай идея фестивала" буолан ааста. Барыта 20-тэн тахса иитээччи аһаҕас дьарык көрдөрдүлэр. Биһиги иитиллээчилэрбит сылдьыбыт дьарыктарыгар көхтөөхтүк кытыннылар. Олус интириэһинэй, сонун дьарыктарга сылдьан элбэҕи, саҥаны биллибит. 

Мичээр ааҕыыларыгар

Сыллата буолар ааҕыыларга быйыл "Удьуор утума" диэн темаҕа биһиги иитиллээччилэрбит бары миэстэлэстилэр: Алексеенко Дархан "Михайловтар учуутал династиялара", Вензель Виолетта "Хос эбээм үйэлээх сааһа", Оконешникова Алеся "Чабырҕах Москваҕа тиэрдибитэ". 

Бөлөхпүт иһигэр сайыҥҥы проектары ааҕыыга быйыл чинчийиилээх проектар дьүүллүүр сүбэ сэҥээриитин ыллылар: Эверстова Аяна "Тулабар мас арааһа", Николаев Эрхаан "Чиэрбэ", Владимиров Женя "Көлүөһэни ким айбытай?"


Саҥа үөрэх дьылын "Көтөрдөр мунньахтара" остуоруйанан саҕалаатыбыт. 

Спортсмен уолаттарбытыгар эҕэрдэ!

Сыллата ыытыллар улуустааҕы оскуола иннинээҕи оҕолор спартакиадаларыгар биһиги иитиллээччилэрбит Данил К., Спартак К. уонна Дархан А. ситиһиилээхтик кыттан кэллилэр. Ол курдук, биирдиилээн 30 м сүүрүүгэ Данил К. бастакы миэстэни ылла, хамаанданан "Көрдөөх стартка" 2-с миэстэ буоллулар. Уопсай түмүккэ биһиги детсаппыт сһһмэрдэммит хамаандата 3-с бочуоттаах миэстэҕэ тигистэ. 

Оҕолорбутун уонна физкультура салайааччытын Александр Александровиһы үрдүк ситиһиилэринэн эҕэрдэлиибит!

Улуу Кыайыыны уруйдуубут!

Улуу Кыайыы күнүн көрсө биһиги оҕолорбут сэриигэ сылдьыбыт кырдьаҕас эһээлэрин, хос эһээлэрин билистибит. Икки иитиллээччибит билбиттэринэн, кинилэр хос эһээлэрэ сэрии толоонуттан төннүбэтэхтэр... 

Бары сэриигэ сылдьыбыт буойуттары чиэстээн нэһилиэкпит Кыайыыга аналлаах монуменыгар сырыттыбыт. Ырыа күрэҕэр сэрии туһунан ырыа ыллаан 2-с миэстэ буоллубут.

Экологическай проектары көрүү

Сыл ахсын ыытыллар Сир күнүгэр аналлаах экологическай проектар ааҕыыларыгар биһиги бөлөх оҕолоро көхтөөхтүк кытталлар. Эверстова Аяна ааспыт сайын Нерюнгри улууһугар сылдьан үөрэппит "Нахот минеральнай уу" диэн олус интириэһинэй проегын кэпсээтэ, минеральнай ууну амсайдыбыт. Аяна III миэстэни ылла.

Тотонова Розанна эбээтэ иитэр козатын, коза үүтүн туһунан интириэһинэй опыттардаах проегын кэпсээтэ. Розанна II имэстэ буолла. 

Кыргыттарбытын эҕэрдэлиибит!


Сааскы күн сандаарда!

Хайыһарга эстафета

Эстафетаҕа 2 уол уонна 1 кыыс кытынна. Уопсай  6 мүн.1 сөк. бириэмэлээх улахан бөлөхтөргө I миэстэ буоллубут! Кырачаан спортсменнарбытыгар эҕэрдэ!

Улахан сыанаҕа бастакы хардыылар

Дойдулар икки ардыларынааҕы таһымнаах конкурстарга кыттан,  оҕолорбут уонна төрөппүттэрбит элбэх үрдүк ситиһиилэри дабайан сүргэбит көтөҕүлүннэ!

Кулун тутар 8 күнэ - "Северная радуга" международный фольклорный фестиваль - I степеннээх Лауреат!

Кулун тутар 10 күнэ - "Первые шаги" республиканский конкурс - иитиллээччилэрбит кыттыылаах нүөмэрдэр бука бары  лауреат буоллулар!

Элбэх сыратын ууран туран бэлэмнээбит иитээччилэрбитигэр махтанабыт: Фея Петровна уонна Саргылана Афанасьевна!


Аҕа дойдуну көмүскээччилэр күннэрэ

Аҕа дойдуну көмүскээччилэр күннэригэр аҕаларбыт, эһээлэрбит уонна убайдарбыт армияҕа сулууспалыы сылдьыбыт хаартыскаларын аҕалан, оҕолорбут ким ханна саллааттыы сылдьыбытын  көрөн - истэн олус сэргээтилэр, астыннылар. Хаһыат оҥорон истиэнэҕэ ыйаатыбыт.

Киэһэ ыҥырыылаах ыалдьыттарбытыгар - аҕаларбытыгар, эһээбитигэр уонна убайбытыгар анаан сөбүлүүр "Мин летчик буолуом" ырыабытын ыллаатыбыт, строевой хаамыы көрдөрдүбүт. Ол кэннэ дуобат килиэккэ хонууларыгар кытаанах кыргыһыыларга киирсистибит. Түмүккэ эйэ, доҕордоһуу кыайдылар!

Разведчик Плотников булан аҕалбыт тордун бары бииргэ сиэтибит!

Бары күүстээх аҥардарбытыгар эҕэрдэ!

Сааскы маҥнайгы бырааһынньыгынан!

Күндү ийэбит биһиэнэ

Үрүҥ күммүт кэриэтэ.

Маннык күлэ, мичилийэ

Мэлдьи эдэр буол эрэ!

Константин Сосин

 Сааскы маҥнайгы бырааһынньыкпытыгар күндү ийэлэрбит кэлэн эҕэрдэ иһиттилэр, үөрдүлэр-көттүлэр. Ол кэннэ ийэлэрбит биһиэхэ ас астыырга, иистэнэргэ, кыыс оҕо буоларга хайдах, тугу гынарга кэпсээтилэр, көрдөрдүлэр.

Детсаппыт иһинэн ыытыллыбыт "Саха ыалын саргылаан" диэн кыыс оҕо ийэтинээн кыттар конкурсугар биһиги бөлөхтөн Осипова Сайаана ийэтинээн Ньургуйаана Васильевналыын уонна Герасимова Аделина ийэтинээн Анастасия Егоровналыын ситиһиилээхтик кытыннылар!


"Чугдаарар чуорааннар" улуустааҕы конкурска кытынныбыт

Быйыл конкурс кэтэхтэн ыытыллар буолан, оҕолорбут конкурснай номердарын видеоҕа уһулан ыыттыбыт.

"Зимние узоры" улуустааҕы уруһуй конкурсугар ситиһиилээхтик кытынныбыт

Тохсунньу ыйга ыытыллыбыт уруһу конкурсун түмүгэ таҕыста. Биһиги иитиллээччибит Кривошапкина Айя III миэстэ буолбут!!! Айяны уонна кини ийэтин Алена Гаврильевнаны итиитик истиҥник эҕэрдэлиибит!


Төрөөбүт ийэ тыл күнүнэн!

Төрөөбүт ийэ тыл күнүгэр аналлаах нэдиэлэҕэ араас тэрээһиннэр буоллулар. Онтон аһаҕас дьарыктарга оҕолорбут олоҥхону, чабырҕаҕы билистилэр.


Кулаковскай ааҕыылар

Сэтинньи 25 күнүгэр В.Н.Оконешников аатынан Павловскай орто оскуолатыгар Кулаковскай ааҕыылара буолан ааста. Биһиги бөлөхтөн 7 оҕо кытынна: "Тиэргэн" секцияҕа "Куурусса" проегынан Аделина Герасимова, "Нэһилиэк" секцияҕа "Тимир көлөлөөх эһээлэрим" проегынан Данил Карпов, "Мин эһээм суоппар" Спартак Капитонов, "Киэн туттар киһибит" Виолетта Вензель, "Айылҕа" секцияҕа "Нахот- минеральнай уу" Аяна Эверстова, "Фольклор" секцияҕа "Олоҥхо эһэм саҕаттан" Миша Попов, "Кэрэ эйгэтэ" секцияҕа "Сэттэ өҥнөөх ноталар" Айсен Аргунов. Оҕолорбут митиһиилээхтик кытыннылар.

Байанай түмсүүтэ

Аҕаларга, эһээлэргэ "Байанай түмсүүтэ буолла. 8 бөлөхтөн биэстии төрөппүт кыттан күрэхтэстилэр. Биһиги төрөппүттэрбит 4-с миэстэ буолан үөрдүлэр.